Sherr masiv në rrugët e Valencias para ndeshjes ndaj Barcelonës (VIDEO)

Para ndeshjes mes Valencias dhe Barcelonë, para stadiumit “Mestalla” ka pasur përleshje mes tifozëve. Tifozë të të dy skuadrave u përleshën me njëri-tjetrin, duke përdorur objekte të ndryshme por edhe armë të ftohta pak orë para ndeshjes.

Autoritetet lokale besojnë se sherri nga ndodhur mes dy grupimeve ultras, Yomus të Valencias dhe Boixos të skuadrës katalanase. Videot e shpërndara në rrjetet sociale tregojnë se si banorët e godinave aty pranë fshihen për t’i shpëtuar goditjeve me karrige apo shtylla.

Grupi ultras Yomus i Valencias, është themeluar në vitin 1983, dy vite pas atij të Barcelonas. Valencianët shquhen për ndjenjat e tyre kundër katalansve, që tejkalojnë sportin.