Sherr në ndeshjen e basketbollit Tirana-Partizani

Në Pallatin e Sportit “Farie Hoti” ishte duke u zhvilluar deri pak minuta më parë derbi mes Tiranës dhe Partizanit, por ka mjaftuar një moment provokimi për të ndezur përplasje dhe për të sjellë ndërprerjen e sfidës. Lojtari Pylla i Partizanit është ndëshkuar me largim nga loja pas shkaktimit të dy fouleve teknike dhe gjatë largimit të tij nga parketi është ndeshur me ofendime dhe sharja nga tifozëria rivale.

Me një sjellje aspak profesionale, madje rrugaçërore sportisti profesionist i është kundërpërgjigjur grupimit “Tirona Fanatics” me banalitete dhe kërcënime. Kanë qenë efektivët e policisë që e kanë nxjerrë jashtë fushës, por pa arritur të largohet, tifozeria e provokuar nga basketbollisti ka pushtuar parketin dhe është përplasur me efektivët e policisë. Ndeshja është pezulluar dhe ekipet janë larguar nga parketi.

Pritet vendimi i gjyqtarëve nëse loja do të shtyhet për një moment të dytë apo ndeshja do të rrifillojë.