Shkarkohet Inzaghi, Mihajloviç zyrtarisht trajner i ri i Milan

Milan zyrtarizoi shkarkimin e trajnerit Filippo Inzaghit nga detyra e trajnerit të skuadrës dhe gjithashtu nuk vonoi për të zyrtarizuar zëvendësuesin e tij: Sinisa Mihajloviç. Trajneri serb ka firmosur për dy sezonet e ardhshme me kuqezinjtë.

Sezonin e kaluar, Milani përfundoi kampionatin në vendin e dhjetë dhe me fillimin e sezonit të ri nuk do të jetë në asnjë kompeticion europian për të dytin vit radhazi.

Inzaghi ka pasur një karrierë të shkëlqyer me Milan si lojtar, duke fituar dy kampionate, një Kupë Italie, dy Superkupa Italie, dy Champions League, dy Superkupa Europe dhe një Botëror Klubesh, por si trajner rezultatet e tij ishin tepër zhgënjyese.