Shpërthen Hoeness: Agjenti i këtij lojtarit është një piranja, i pangopur!

Bayern Munich ende nuk ka mundur që të bind David Alaba-n për të rinovuar kontratën. Së fundmi në lidhje me këtë çështje ka reaguar edhe presidenti i nderit i klubit bavarez Uli Hoeness, i cili ka fajësuar agjentin e lojtarin Pini Zahavi.

“Menaxheri i tij është një piranja i pangopur. Është vetëm një çështje parash. Luan për klubin më të mirë në botë, kur mund të shkojë tjetër? Ne duam ta mbajmë David, por nuk kemi arritur akoma një marrëveshje për shkak të Zahavi-t. Gjithsesi, vetë David duhet të marrë një vendim”, ka shpërthyer Hoeness.

Kontrata aktuale e Alaba-s është vlefshme deri më 30 qershor të 2021-shit, por një shitje e tij në këtë moment është shumë e mundshme nëse nuk vjen rinovimi i kontratës. Për lojtarin interesohen Manchester City, Chelsea, Barcelona dhe Paris Saint-Germain.