Shqipëria kopjon Turqinë, 21 mijë flamuj kuqezi do valëviten nga tifozët

Përurimi i stadiumit të ri të Tiranës do të jetë një ngjarje e cila do të kujtohet gjatë, ndaj si e tillë duhet që çdo gjë të jetë e bukur për të kënaqur mijërat e tifozëve të pranishëm në “Air Albania Stadium”.

Federata Shqiptare e Futbollit ka menduar edhe për dekorin e kësaj sfide, i cili do të jetë i veçantë. 21 mijë flamuj kombëtarë janë shpërndarë nëpër ulëse dhe çdo tifoz do të ketë flamurin e tij për ta valëvitur në çastin kur ekipet do të zbresin në fushë, çka do të krijojë një moment vërtet emocionues në stadium.

Një gjë të tillë e bëri edhe Turqia në duelin që luajti ndaj kuqezinjve tanë.