Shqipëria U-19 fiton testin miqësor ndaj Kazakistanit, vendos Kumbulla (VIDEO)

Kombëtarja U-19, e drejtuar nga trajneri Erion Bogdani ka fituar minimalisht miqësoren e zhvilluar në “Roza Haxhiu” të Lushnjës ndaj Kazakistanit. Kuqezinjtë ishin superiore gjatë gjithë 90 minutave, por gjetën vetëm njëherë rrugën e rrjetës.

Në minutën e 40-të, Kumbulla e dërgoi topin pas një goditje nga këndi, e devijoi topin në rrjetë. 19-vjeçarët kazakë arritën ta dërgonin topin përtej vijës fatale në kohën shtesë, por anësoi sinjalizoi me të drejtë për pozicion jashtë loje.

Të dy trajnerët kanë kryer mjaft zëvendësime me kalimin e minutave, por ritmi ka qenë nën kontrollin e Shqipërisë, që do të luajë pas tri ditësh, më 27 mars, në të njëjtin stadium, një tjetër sfidë të tillë testuese me kazakët.