Shtyhet nisja e takimit Partizani-Laçi, mungon autoambulanca

Problematikat në futbollin shqiptar, nuk kanë të sosur. Pas skandalit të fikjes së dritave në “Loro Boriçi”, një tjetër rast i paprecedent është regjistruar në Elbasan. Teksa po përgatitet për të nisur sfida e fundit për javën e 13-të mes Partizanit dhe Laçit, në impiant ende mungon autoambulanca. Zyrtarët e ndeshjes dhe arbitrat kanë vendosur të shtyjnë nisjen e takimit, deri në momentin që ambulanca të gjendet në pjesët e brendshme të stadiumit.