Sindikata e Futbollistëve do ndërtojë një shtëpi për një ish-lojtar

Sindikata e Futbollistëve Profesionistë Shqiptarë (SFPSH) përgatitet që t’i bëjë një surprizë të madhe një ish-futbollisti të harruar prej 20 vitesh, emri i të cilit mbahet ende sekret për të mos prishur dhuratën e bukur!

Me anë të një postimi në rrjetet sociale, Andi Lila, kreu i sindikatës, zbuloi se ka nisur rindërtimi i një shtëpie pas tërmetit të 26 nëntorit dhe me datën 14 mars, pra dita e verës, do të jetë gati!

“Luajtëm dhe po rindërtojmë! Me 14 mars 2020 do të jetë një surprizë mbresëlënëse për një ish futbollist që e kishin harruar për 20 vite,sindikata do te jetë gjithmonë dhe në çdo kohë te ndihmoje futbollistet dhe ish futbollistët ne nevoje. Misioni ka filluar“, lexohet në postimin e SFPSH.