Solskjaer: Ndaj Sheffield mu shfaqën makthet e sezonit të kaluar

Ole Gunnar Solskjaer ishte i kënaqur me Manchester Unitedin e tij pas barazimit 3-3 me Sheffield. Vendasit arritën të dilnin nga fusha me një barazim të merituar.

“Ishte një ndeshje të cilën tifozët e futbollit do ta kenë pëlqyer. Një fund fantastik. Do ta shohim përsëri këtë ndeshje dhe do ta analizojmë.

Kur pjesa e parë mbyllet 1-0 duhet t’i bësh lojtarët të luajnë, ta kërkojnë më shumë golin dhe të bëjnë më tepër ndërhyrje. Kur shkoi 2-0 për ata mendova më të keqen, si ndaj Evertonit 4-0 vitin e kaluar.

Kjo skuadër nuk dorëzohet, çfarë ndryshimi nga sezoni i kaluar. Mund të kishim shënuar të katërtin përpara se ata të barazonin”, deklaroi Solskajer.