Sot 28 vjet nga rrëzimi i bustit të Enver Hoxhës, dita që shënoi fundin e diktaturës dhe fillimin e një epoke të re

Në Shqipëri sot kujtohet dita e rënies së bustit të Enver Hoxhës, 28 vjet më parë në qendër të Tiranës.

Mijëra qytetarë u ngritën më 20 shkurt të vitit 1991 për të shembur simbolin e komunizmit, pak muaj pasi regjimi i vjetër që po jetonte ditët e tij të fundit, kishte lejuar pluralizmin politik.

Rrëzimi i bustit të Hoxhës u nxit nga greva e urisë e ndërmarrë nga disa qindra student, ndërsa 20 shkurti tashmë është caktuar si dita e kujtesës kombëtare për martirët dhe viktimat e regjimit komunist. Ajo shënoi edhe fundin e diktaturës në Shqipëri dhe fillimin e një epoke të re, atë të demokracisë.