Spal-Verona, derbi mes Berishës dhe Kumbullës

Viti 2020 në Seria A do të vijojë me një derbi shqiptarësh, teksa në fushë në orën 15:00 do të zbresin Berisha dhe Kumbulla. Portieri i kombëtares si gjithmonë do të jetë në fushë nga minuta e parë, pas një gjysme të parë të sezonit ku ka qenë më i miri për skuadrën e tij.

Në krahun tjetër Kumbulla është rikthyer në formacion, pasi kohët e fundit nuk e ka pasur të sigurt vendin pas një dëmtimi. Dueli i mbijetesës pritet që të dhurojë emocione, me Spal-in që e nisi disi në avantazh.