Statistika e pabesueshme, Ter Stegen me më shumë asist se Hazard

Barcelona është një nga skuadra që i beson shumë portierit në ndërtimin e aksioneve sulmuese. Një ndër “Gardianët” më të mirë me këmbë është Marc-Andre Ter Stegen.

Portieri gjerman i ka surprizuar të gjithë mbrëmjen e djeshme kundër Mallorcas duke dhuruar asistin e radhës. Ai lëshoi një top nga zona e tij për Antonie Griezmann që zhbllokoi rezultatin.

Gjermani pa lëvizjen e francezit pas shpinës së mbrojtjes dhe i pasoi në mënyrë perfekte, duke e nxjerrë përballë portierit.

Nuk ishte hera e parë që këtë sezon Ter Stegen jep asist, pasi në ndeshjen kundër Getafes ai pasoi për Suarezin që nuk gaboi. Gjermani ka dy asist në këtë sezon në La Liga, ndërsa sulmuesi i Real Madrid-it, Eden Hazard ka vetëm një.