Superkupa e Spanjës me një skemë të re, e ngjashme me basketbollin

Do të ketë revolucion  sa i përket organizimit të Superkupës së Spanjës, duke nisur që nga edicioni e vitit 2019. Federata Spanjolle e Futbolli ka programuar ndryshimin e formatit, që pritet të aprovohet në Asamblenë e muajit prill.

Qeveria e futbollit spanjoll ka vendosur të përshtatë modelin “Final Four”. Për trofeun do të përplasen vendi i parë dhe i dytë i kampionatit dhe dy finalistet e Kupës së Mbretit.

Në total do të luhen 3 ndeshje, gjysmëfinalet dhe finalja. Formati i ri do të diskutohet në asamble, për t’u hedhur më pas në votim.