Talenti 17-vjeçar i Flamengos kryen vizitat mjekësore me Realin (VIDEO)

Reinier Jesus mund të quhet një lojtar i Real Madridit. Sulmuesi 17-vjeçar i Flamengos kreu vizitat mjekësore në Brazil për llogari të klubit madrilen dhe shumë shpejt pritet të hedhë firmën në kontratë.

Talenti brazilian do të firmosë për 7 sezone me “Los Blancos”, ndërkohë që për afrimin e tij Florentino Perez do të derdhë në arkat e klubit brazilian 30 milionë euro.

Pavarësisht se detajet për kalimin e Reinier në Madrid duken të mbyllura, sulmuesi nuk mund të transferohet në Spanjë përpara 19 janarit, datë kur ai do të mbushë 18 vjeç.