Tek Interi lind ideja Conceiçao nëse do të largohet Conte

Nëse Antonio Conte do të largohet nga Interi gjatë kësaj vere, drejtuesit e klubit zikaltër kanë gati një plan për ta zëvendësuar. Dy janë emrat kryesor për momentin sipas mediave italiane: Massimiliano Allegri dhe Sergio Conceiçao. Sipas gazetës portugeze “A Bola”, trajneri aktual i Portos është në agjendën e Interit me një largim të mundshëm të Contes.

Marotta do të tentonte menjëherë një ribashkim me Massimiliano Allegrin, njëlloj si te Juventusi, por edhe hipoteza e dytë nuk duhet nënvlerësuar. Conceiçao ka veshur fanellën e Interit nga viti 2001 deri në 2003.

Gjithsesi nuk do të jetë aspak e thjeshtë, pasi duhet të paguajnë në arkat e Portos 20 milionë euro për zgjidhjen e kontratës, një shifër e papërballueshme, pasi nën pagesë do të jetë edhe Conte në rast shkarkimi. /R.Lika-Koha Jone/