Thiago Silva zbulon detaje tronditëse nga sjellja e Messit: U jep urdhra arbitrave!

Kapiteni i Brazilit, Thiago Silva ka kritikuar Lionel Messin pas humbjes 1-0 të Brazilit ndaj Argjentinës në miqësoren e luajtur dje në Arabinë Saudite.

“Messi mundohej gjithë kohës që të detyronte arbitrin të jepte goditje dënimi në favor të tij. Po persekutohemi, arbitrat duhet ta ndalojnë këtë gjë, nuk mund ta lejojnë atë që të kontrollojë ndeshjet. Jemi si të burgosur në këtë situatë që po ndodh me Kombëtaren.

Në Champions, Messi nuk e ka këtë avantazh, pasi atje arbitrat janë më të vëzhguar. Nuk e sheh duke dhënë urdhra. Por në Spanjë, apo me Argjentinën, ka arbitra që nuk i njohim mirë, dhe për admirimin që kanë për Messin, vërshëllejnë më shumë në favor të tij”, deklaroi Thiago Silva.