Tifozët e Bayernit blejnë të gjitha biletat 7 javë para startit të kampioantit

Bayerni ka një ndër tifozeritë më besnike në Europë. 7 javë para fillimit të sezonit, klubi bavarez nuk ka më asnjë biletë në shitje për 17 ndeshjet e kampionatit 2019/20.

Numri i kërkesave është aq i madh, saqë klubi ka deklaruar se është tejkaluar numri i shitjes së biletave dhe në të ardhmen mund të nevojitet edhe shorti, për të vendosur kush përfiton biletë.

Allianz Arena ka një kapacitet prej 75.000 vendesh, me 5% të biletave që rezervohen për tifozët miq. Kërkesa për bileta nuk është e lart vetëm te ndeshjet shtëpiake, sepse edhe biletat e ndeshjeve ku Bayern është udhëtues janë shitur që tani.