Tirana-Kukësi, finalen e sotme të Kupës do ta gjykojë Jorgji

Federata Shqiptare e Futbollit ia ka besuar gjyqtarit të FIFA-s, Enea Jorgji, drejtimin e sfidës mes Tiranës dhe Kukësit. Asistentë të tij do të jenë Ridiger Çokaj dhe Rejdi Avdo, ndërsa gjyqtar i 4-t është përzgjedhur Denis Rexha. Eldorjan Hamiti dhe Juxhin Xhaja do të jenë gjyqtarët e linjës.

Bëhet fjalë për 6-she gjyqtarësh të FIFAS, madje treshja e përbërë nga Jorgji dhe anësorët Çokaj dhe Avdo pas disa ditësh do të udhëtojnë drejt Ishujve Faroe, pasi janë përzgjedhur nga UEFA për të mbajtur drejtësi në takimin eliminator mes Ishujve Faroe dhe Spanjës.