Tottenham shumë pranë Ceballos, befason Milanin dhe Liverpoolin

Dani Ceballos duket se në sezonin e ri do të shohim në Premier League. Pas Liverpoolit të Kloop, edhe Tottenham ka shfaqur shumë interes për mesfushorin e talentuar të Realit.

Sipas gazetës “AS”, Spursat janë në avantazh të dukshëm, madje kanë nisur kontaktet edhe me futbollistin për ta bindur që të luajë në Londër në sezonin e ri. Tottenham duhet të paguajë 50 milionë euro te Real Madridi, pasi Zidane nuk e ka planet e tij dhe këtë gjë e ka thënë edhe publikisht.

Ceballos ndërkohë i ka kërkuar largimin madrilenëve dhe është në kërkim të një ekipi që mund t’i garantojë të paktën 40 ndeshje në sezon, diçka që Pochettino, është shprehur i gatshëm për t’ia plotësuar. Kujtojmë që Tottenham transferoi edhe Ndombele këtë verë, duke formuar një mesfushë të frikshme. /R.Lika-Koha Jone/