Tragjedi në Rally Dakar, humb jetën piloti portugez

Një tragjedi ka tronditur Rally Dakar në në Arabinë Saudite. Në etapën e shtatë  vjen lajmi i trishtë për viktimën e parë në epokën e re të kësaj gare. Bëhet fjalë për pilotin portugez, Paulo Goncalves, që garonte me motorin e skuadrës Hero, teksa më parë ka qenë pilot i Hondas.

I dyti në edicionin e vitit 2015, Goncalves u rrëzua në kilometrin 276 të etapës së 7-të, e para pas pushimit njëditor. Ai u gjet pa ndjenja për shkak të një arresti kardiak dhe, pavarësisht ndihmës që iu dha, nuk ia doli të mbijetonte. Vdekja e tij u konfirmua pasi u transportua me helikopter në Layla Hospital nga ndihma e shpejtë.

Goncalves po merrte pjesë për herë të 13-të në Rally Dakar, kompeticion ku kishte debutuar që në vitin 2006. Kjo është vdekja e pare, pas pesë vjetësh, e një garuesi në Rally Dakar. Viktima e fundit datonte në vitin 2015, kur motoçiklisti polak, Michal Hernikm humbi jetën nga dehidratimi.