Trajneri nën mbrojtje

Kërcënime me zarfe ku ka plumb, marrin vetëm njerëzit që luftojnë kundër mafias, dhe bosë të njohur të drogës e kriminalitetit që prishen për pazare mes tyre. Trajneri i skuadrës së Interit, Antonio Konte ka marrë një letër me kërcënime serioze drejtuar tij dhe familjes. Në zarfin e dërguar me postë, ishte prezent edhe një fishek i kalibrit 8 që përdoret për gjueti. Kjo ka tronditur jo pak teknikun e zikaltërve. Pakoja sipas hetuesve është nisur nga qyteti i Firences dhe në letrën e shkruar me shkronja të mëdha ishte një mesazh direkt “E dimë se ku jeton”,-thuhej në kërcënimin ndaj Antonio Kontes si dhe referime të qarta përfamiljen e tij, fëmijët e madje dhe prindërit. Ai dhe familjarët e tij janë marrë nën mbrojtje.