Trajneri serb tregon takimin me Anjelin: Ja si nuk e mora drejtimin e Juventusit

Trajneri aktual i Bolonjës, Sinisha Mihajloviç, ishte i ftuar mbrëmjen e djeshme në emisionin “Tiki-Taka” dhe ka zbuluar disa prapaskena të para 5 viteve, kur ishte pranë nënshkrimit me Juventusin.

“Ne folëm 5 vite më parë, shkuam në shtëpinë e Anjelit me Nedvedin, Marotën dhe Paratiçin. Gjithçka ishte e bërë deri në ato momente, vetëm ishte problem i Kontes, i cili nuk dihej do të largohej apo jo. Sampdoria më dha kohë në atë periudhë për të vendosur. Juventusi nuk e mbylli dot brenda 7 ditëve, çështjen me Konten dhe unë kisha firmosur me Sampin. Konte më pas u zëvendësua nga Alegri”, ka zbuluar Mihajloviç.

“Nuk kam folur me askënd nga Juventusi dhe kështu nuk e di se çfarë mund të ndodhë. Prioritet për mua është Bolonja për momentin”, përfundoi serbi.