“Triumph”, sot premiera e filmit dokumentar për kualifikim e Shqipërisë në “Euro 2016”

Ditën e sotme më në fund do të shfaqet për herë të parë filmi dokumentar mbi arritjen historike të kombëtares sonë për kualifikimin në “Euro 2016”.

Premiera e tij do të jetë sot në orën 19:00 në Cineplexx Albania (TEG).  Kreshnik Jonuzi dhe Luftar Von Rama janë regjisorët shqiptaro-amerikanë të filmit “Triumph”. Rrëfimi i tyre për rrugëtimin e kombëtares shqiptare drejt kampionatit evropian të fundit është drithërues.

Gianni De Biasi, Lorik Cana, Mërgim Mavraj, Shkëlzen Gashi e Paolo Tramezzani janë aktorët pa aktrim. Pasioni sportiv dhe pesha e historisë, ankthi personal dhe implikimet politike nuk kanë mundur të pasqyrohen më mirë brenda një filmi që zgjat sa një ndeshje futbolli dhe që do të mbetet gjatë në mendjet e të gjithëve.