Trupi i Sala mbërrin në Argjentinë

Trupi i futbollistit Emiliano Sala ka mbërritur në Argjentinë të premten, për tu varrosur në vendlindje.

Ceremonia mortore e të ndjerit Sala do zhvillohet në fundjavë.

Trupi mbërriti në aeroportin Buenos Aires dhe më pas u shoqërua gjatë rrugës nga një automjet i policisë.

Ai do dërgohet në Progreso, rreth 538 km në veriperëndim të kryeqytetit, për ceremoninë mortore.

Aeroplani i “Piper Malibu” i pilotuar nga David Ibbotson u zhduk nga radarët me 21 janar, kur u kthye nga Franca, ku Sala i kishte dhënë lamtumirën shokëve të ekipit në Nantes para se të shkonte për t’u bashkuar me klubin e ri Cardiff City.

Futbollisti argjentinas kishte nënshkruar për klubin uellsian për një rekord prej 15 milionë paund (19 milionë dollarë) vetëm disa ditë më parë.