“Turp të jemi në vendin e dytë me një presidente si kjo”

Irina Morozyk, gruaja e futbollistit ukrainas Nikolai, është bërë e famshme me përfshirjen e saj në futboll. Ajo e ka marrë drejtimin e klubit amator Lav nga qyteti i Lvivit.

“Me një presidente si kjo, është turp të jemi në vendin e dytë apo të tretë. Ne po synojmë vetëm pjesën e epërme në tabelë”, tha klubi ukrainas në një deklaratë.

Më pas nuk vonoi edhe një deklaratë e presidentes së re, e cila në mes të tjerash shkroi: “Përshëndetje të gjithëve. Siç e dini tashmë unë kam nisur një projekt të ri. Kam marrë përgjegjësinë për t’u bërë presidente e FC Lav nga Lvivi”.