U falimentoi klubi në Kinë, Alla dhe Torassa drejt rikthimit te Flamurtari

Nga shiu në breshër. Albi Alla dhe Agustin Torassa u larguan drejt Kinës nga Flamurtari ku arritën të përfitonin një kontratë të majme. Megjithatë, situata në klubin kinez nuk duket aspak e mirë

Të dy kërkonin qetësi financiare, pas disa muajsh pa paguar në Vlorë, ndërsa nga Flamurtari u la i lirë së pari Albi Alla, i cili firmosi në Kinë. Më e ndërlikuar ishte çështja Torassa, sepse Flamurtari nuk pranonte ta linte të lirë.

Yanbian Funde ka falimentuar! Klubi kinez kishte borxhe prej 35 milionë dollarësh akumuluar prej vitit 2016 dhe Funde Group e autoritetet lokale refuzuan të paguajnë.

Të gjithë lojtarët e Yanbian kanë një javë kohë për të firmosur në klube të tjera në Kinë. Nuk përjashtohet mundësia që Alla dhe Torassa të rikthehen sërish te skuadra vlonjate.