U ndëshkua me karton të kuq, Ribaj: Delegati pas ndeshjes më tha …

Andi Ribaj shënoi golin e barazimit të përkohshëm për Flamurtarin në sfidën kundër Partizanit, i cili në fakt ishte i dyti radhazi për të në kampionat. Gjithsesi futbollisti i vlonjatëve u ndëshkua me kartonë të kuq, në momentin që futbollisti pati një bisedë me një nga tifozët e Partizanit u fut në fushën e lojës. Pas ndeshjes ai ka sqaruar gjithçka ndodhi mes tij dhe tifozit në fushën e lojës.

“Ishte momenti që ne po festonim golin, tifozët nuk pranonin që ne të festonim. U kapën me fotografin, në atë moment erdhën mjekët se kisha një problem. Pashë që u futën tifozët për të goditur fotografin, i thashë tifozit ‘që dhe ju vini në Vlorë dhe nuk ju godet njeri’. Arbitri nuk më argumentoi pse ma dha kartonin e kuq. Shkova në dhomat e zhveshjes, erdha në tribunë dhe më thanë që kemi bërë gabim.

Nuk i kam sharë tifozët e partizanit, se nuk e kam për natyrë që të bëj këto gjeste. Që në moshë të vogël nuk kam bërë gjëra të tilla dhe u ndjeva shumë keq e kartonin. Jam i habitur për gjithçka. Me largimet më është dhënë mundësia dhe e kam shfrytëzuar. Dua të shënoj sa më shumë përsëri. Jo pjesa e treshes, por delegati më tha që kemi gabuar me ty”, deklaroi Ribaj