U zhbllokua pas 43 tentativash, Ronaldo: Më mungonte te Juvja!

Cristiano Ronaldo më në fund arriti sot që të thyente mallkimin e shënimit të një goli nga goditjet e dënimit. Pas 43 tentativash, sulmuesi portugez arriti që të realizonte ndaj Torinos, në fitoren me rezultatin 4-1.

“E dinim se do të ishte një ndeshje e vështirë, por kemi punuar mirë, kemi fitues dhe kemi shtuar presionin ndaj Lazio-s. Objektivi është arritur, kemi fituar.

Goli me goditje dënimi? Më mungonte, më duhej një gol me goditje dënimi për të fituar besim. Milani? E dimë se objektivi ynë ishte të fitonim sot. Na pret një ndeshje e vështirë, por duhet të mendojmë vetëm për veten tonë, që është më e rëndësishme.

Dybala? Jemi shumë mirë bashkë. Skuadra është mirë, ka besim dhe kundër Milan-it do të kërkojmë të fitojmë”, deklaroi Ronaldo