United nuk ndalet më me Solskjaer, shkatërron Arsenalin në FA Cup (VIDEO)

Manchester United nuk ka ndërmend që të ndalet nën drejtimin e Solskjaer. “Djajtë e Kuq” kanë fituar 3-1 në sfidën e vlefshme për 1/8-at e Fa Cup ndaj Arsenalit, duke siguruar një vend në çerekfinale.

Në “Emirates Stadium” Arsenali kishte për pjesën më të madhe të kohës kontrollin e lojës, por nuk shfaqte siguri në prapavijë. United përfitoi mjaft mirë duke shënuar dy gola për dy minuta. Në të 31-n, Alexis Sanches realizoi një gol fantastik, ndërkohë që dy minuta më pas Lingard konkretizoi një kundërsulm të shpejtë.

2 minuta nga fundi i pjesës së parë, Aubameyang hapi ndeshjen pas një asisti të Ramsey, por kjo nuk mjaftoi për të gjetur barazimin. 8 minuta nga fundi i kohës së rregullt, Pogba rrëmben një top në mesfushë dhe më pas shërben te Martial, i cili nuk falë përballë Cech.

Kjo është fitorja e 8 radhazi për Solskjaer dhe United./Koha Jone/