Video/ Tre dopieta për një finalist, Gjermania U21 pranë historisë

Gjermania është finalistja e parë e kampionatit Europian për 21 vjeçarët.

Të besuarit e Stefan Kuntz mposhtën me shifrat e thella 4-2 Rumaninë. Në gjysëmfinalen e zhvilluar në “Renato Dall’Ara” të Bolognës, Pancerat ishin thjeshtë fenomenal, duke bërë një përmbysje spektakolare në 45 minutat e dyta.

Edhe pse kaloi e para në avantazh, me anë të Amiri, dopieta e Puscas i mjaftoi Rumanisë për të shkuar drejt dhomave të zhveshjeve në epërsinë 2-1. Me rikthimin në fushë, Waldschmidt vendosi ekuilibrat.

Kur u duk se takimi po shkonte drejt shtesave, sërish Waldschmidt kaloi në epërsi Gjermaninë, ndërkohë që Amiri në minutën e katërt shtesë i dha të drejtë shokëve të tij për të kaluar në finalen e kompeticionit më të rëndësishëm për këtë grupmoshë.

Finalisti tjetër do të dal pas ballafaqimit të Spanjës dhe Francës, takim që nis pak minuta më vonë.