Wanda Nara ultimatum Interit: Nëse nuk i kthehet shiriti, nuk luan më

Nuk ka “paqe” në shtëpinë e Interit me Mauro Icardin. Pas heqjes së shiritit të kapitenit dhe deklaratave nga të gjitha palët në Itali, sot ka ardhur dhe një “ultimatum” nga Wanda Nara, bashkëshortja dhe menaxherja e argjentinasit.

Sipas asaj që raporton “Gazzeta Dello Sport”, flitet se Icardi nuk do të kthehet në fushën e lojës nëse nuk i rikthehet shiriti i kapitenit. Wanda Nara do t’i vendosë gjërat në vend duke i vendosur kushte Interit, që dje u shpreh se nuk do ta shisnin në verë.

Sulmuesi argjentinas sot feston ditëlindjen, ndërkohë që klubi zikaltër e ka uruar në rrjetet sociale. Interi është prekur nga këto zhvillime dhe tifozët janë të pritje të përfundimit, se cili do të jetë vendimi i Icardit për të vendosur paqen me shokët e ekipit, apo për të filluar negociatat me Realin dhe Juven që janë gati për ta rrëmbyer.