Zaniolo bën gati rinovimin me Romën, por Juve nuk heq dorë prej tij

Nicolo Zaniolo pritet të rinovojë kontratën me klubin e Romës. Lajmi konfirmohet nga vet i ati i talentit 19-vjecar, i cili ka deklaruar se në përfundim të sezonit do të ulet me drejtuesit verdhekuq për të diskutuar detajet e kontratës së re.

Ai ka shtuar se nuk ekziston asnjë lloj problemi dhe se çdo gjë do të zgjidhet shumë shpejtë. Shpërthimi i Zaniolos këtë sezon zgjoi interesin e shumë klubeve të mëdha, mes të cilave Juventusit, ndërkohë që drejtuesit e Romës nisën menjëherë bisedimet për të blinduar talentin e ri të futbollit italian.

Një ofertë 40-50 milionë euro mund të jetë e mjaftueshme për të rrëmbyer një nga talentet më premtues në Itali, i cili u ble vetëm për disa milionë euro.