Zbulohet cila do të jetë sfida hapëse e Europianit 2020

Italia-Turqi, do të jetë ndeshja hapëse e Europianit të vitit 2020, e cila do të luhet më 12 qershor në orën 21:00 në stadiumin “Olimpico”. Italia ka shkëlqyer në këtë fushatë kualifikuese teksa i fitoi të gjitha ndeshjet e grupit ndërsa nga ana tjetër Turqia e cila ishte pjesë e grupit kualifikues së bashku me Shqipërinë, ia doli të kualifikohej si vendi i dytë pas Francës.

Ndërkohë, e veçanta e këtij Europiani është se do të zhvillohet në qytete dhe stadiume të ndryshme, kjo për herë të parë në histori. Finalja do të zhvillohet në mitikun e famshëm “Wembley”.