Zbulohet gjobat e tmerrshme te Real Madridi nëse shkel rregullat

Të luash në një ekip të rëndësishëm si Real Madrid sigurisht që përfaqëson një nder të madh. Por mbi të gjitha, të mbash fanellën e Los Blancos është gjithashtu një përgjegjësi e madhe dhe pikërisht për këtë arsye trajneri francez u kërkon lojtarëve të mos kenë të meta.

Një kërkesë që reflektohet edhe në disiplinën dhe rregulloret e brendshme të vendosura nga Zinedine Zidane këtë vit. Televizioni spanjoll “Deportes Cuatro” ka publikuar rregulloren e veçantë në dhomat e zhveshjeve të Realit, duke publikuar edhe listën e gjobave.

Këto janë gjobat e zbuluara nga Deportes Cuatro:

Vonesa deri në 5 minuta: 250 euro

Vonesa deri në 15 minuta: 500 euro

Vonesa mbi 15 minuta: 1000 euro

Mungesa e pajustifikuar në stërvitje: 3000 euro

Celulari i përdorur në mënyrë të fshehtë gjatë seancave të fizioterapisë: nga 250 në 1000 euro

Refuzimi për tu peshuar: 250 euro (bëhet 1000 në rast refuzimi të përsëritur)

Tejkalimi i peshës dy herë radhazi: 1000 euro

Për më tepër, ka edhe dy detyrime të tjera mjaft të rrepta. E para, ka të bëjë me lojtarët që nuk janë grumbulluar, ata duhet të qëndrojnë në dhomat e zhveshjeve së bashku me ekipin deri në vërshëllimin e fillimit të ndeshjes dhe nuk mund të largohen nga stadiumi më parë se 10 minuta nga fundi i ndeshjes, kur janë në tribunë.

Në fund një tjetër detyrim: Të gjithë lojtarët duhet të paraqiten në konferencat për shtyp të veshur vetëm me veshjet zyrtare të klubit. /Rozalb Lika-Koha Jone/