Zbulohet kushti që i vendosi Mourinho Tottenhamit për të pranuar ofertën

“Daily Telegraph” dhe “Daily Express” zbulojnë një prapaskenë interesante rreth firmës së Jose Mourinhos me Tottenham. Përpara se të pranonte të bëhej trajneri i ri i gjelave të Londrës Special One i ka kërkuar presidentit Daniel Levy të mbajë në skuadër sulmuesin Harry Kane.

Drejtuesit e klubit londinez duhet të refuzojnë çdo ofertë që mund të vijë në merkaton e verës në drejtim të bomberit të kombëtares angleze.

Kane është në qendër të projektit të Mourinhos i cili ka firmosur për 3 vite e gjysmë me Spurs-at. Edhe pse kërkohet nga Reali i Madridit, portugezi ka marrë premtimin se gjiganti i sulmit do të qëndrojë në skuadër edhe për vitet në vazhdim.