Zgjedhjet “kryqëzojnë” Vllazninë, shkodranët drejt pikiatës

Edhe pse është ngjitur në elitën e futbollit shqiptar, Vllaznia e Shkodrës mbetet në tunel dhe në errësirë të plotë. Klubit historik i ka mbetur vetëm emri dhe asgjë tjetër.

Kontigjenti i futbollistëve nuk e përballon kategorinë e madhe, ndërkohë që nga ana tjetër, probleme ka në çdo hallkë të klubit. Kuqeblutë provuan një sezon të vështirë në histori, ku festuan 100 vjetorin në Kategorinë e Parë. Por kur mendohej se gjithçka po përfundonte dhe gjërat po merrnin rrjedhën e duhur, gjërat ndryshuan. Futbollistët kanë mbetur “peng” të tekave të drejtuesve.

Problematikat në qytetin veriore për sa i përket futbollit janë të mëdha. Bashkia u ndryshua dhe president i ri i kuqebluve është kryebashkiaku, Valdin Pjetri. Voltana Ademi u largua, sipas rezultatit të zgjedhjeve, pa u futur në politikë.

Por çdo të ndodh se të gjitha këto kërkojnë kohën e duhur dhe në futboll minutat mbarojnë shpejt. Ekipet po përforcohen me elemente cilësore, ndërkohë në Shkodër ka vetëm hemoragji dhe ekipi është i papërgatitur për sezonin e ri. Efekti domino do të ndodhë në shumë hallka drejtuese të klubit, të paktën llogjikisht.