ZYRTARE/ Buffon nis aventurën e dytë me Juventusin

Gianluigi Buffon është zyrtarisht një lojtar i Juventusit. Portieri italian nënshkroi deri më 30 qershor të vitit 2020. Një tjetër sezon për legjendën bardhezi, i cili ka vendosur për ta mbyllur karrierën te kampionët e Italisë.

“Dua të iu përshëndes edhe një herë. Jam shumë i lumtur që u riktheva në shtëpi dhe që do të kem mundësinë të iu përqafoj dhe të përqafohem nga ju. Kjo është një nga ditët më të bukura dhe të lumtura të jetës sime. Sot, konfirmova se jeta është e pabesueshme dhe gjithmonë ia vlen të ëndërrosh”, tha 41-vjeçari pas nënshkrimit të kontratës.