ZYRTARE/ Mbrojtësi i PSG firmos me Dortmundin deri në vitin 2024

Borussia Dortmund është një nga skuadrat më aktive në merkato. Pas Emre Can në muajin janar, nënkampionët e Gjermanisë siguruan me parametër zero shërbimet e një mbrojtësi të shumëdëshiruar nga klubet elitare, belgut, Thomas Meunier, të cilit i përfundoi kontrata me PSG-në.

28-vjeçari ka nënshkruar kontratë me verdhezinjtë për katër sezonet e ardhshme, deri në verën e vitit 2024. Ai do të zëvendësojë Hakimi-n, i cili do të rikthehet te Real Madrid pas huazimi dy-vjeçar nga Reali.

Meunier ka luajtur te PSG në 4 vitet e fundit, duke bërë paraqitje shumë të mira, ndërkohë që tashmë do të provojë që të bëjë mirë edhe në Gjermani.