ZYRTARE/ Neto transferohet te skuadra e Barcelonës

Norberto Neto është portieri më i ri i skuadrës së Barcelonës. “Gardiani” brazilian ka vendosur që të vijojë karrierën në “Camp Nou” as një sezoni fantastik te Valencia, ku spikati si një nga portierët më të mirë të sezoni. Neto mbush 30 vjeç në korrik dhe do të jetë alternativë e Ter Stegen në “Camp Nou”.

Shifra e transferimit është 26 milionë euro, plus 9 milionë bonus. Braziliani ka nënshkruar deri në vitin 2023, me një klauzolë lirimi prej 200 milionë euro, të përfshirë në kontratë.

Braziliani ka qenë protagonist në Serie A për disa vite me fanellën e Fiorentinës, përpara se të transferohej si lojtar i lirë te Juventusi.  Në sezonin e kaluar, Neto ishte ndër portierët më të mirë të La Liga-s, duke mbrojtur fanellën e Valencias. Ai u rendit i dyti në përqindjen e pritjeve (75.9%), prapa Oblak të Atletico Madridit (79.4%).