ZYRTARE/ Tirana rikthen në skuadër edhe sulmuesin Mario Morina

Mario Morina është përforcimi i radhës te skuadra e Tiranësnë këto ditë të fundit të merkatos së janarit. Sulmuesi i formuar nga radhët e bardhebluve ka nënshkruar deri ne fund të sezonit. 27-vjeçari vjen pas aventurës së fundit te Prishtina në Kosovë.

Në fakt, bëhet fjalë për një rikthim te 24 herë kampionët e Shqipërisë të sulmuesit që prej dy muajsh stërvitje me bardheblutë. Që kur u largua nga skuadra kryeqytetase në vitin 2015, ka provuar të luajë me shumë skuadra në Superiore dhe në kategorinë e parë (Flamurtari, Kukësi, Kamza, Besa, Dinamo), para se të transferohej në IPKO Superligën e Kosovës.

Kjo do të jetë si një periudhë provë për Morinën, i cili na rast se do të rikonfirmohet te bardheblutë me aktivizime dhe gola, me shumë mundësi do të fitojë një kontratë të re.