ZYRTARE/ UEFA vendos që Kosova të luajë me VAR sfidat vendimtare

UEFA ka vendosur që të fusë sistemin VAR në fazën “play-off” të Euro 2020, me sfidat që luhen në muajin mars. Siç shkruan në lajmërimin e saj, UEFA sqaron se po mendohet seriozisht edhe përfshirja e VAR-it edhe në kualifikueset e Botërorit 2022, gjithmonë për sa i përket Evropës.

Ky lajm është mjaft i rëndësishëm për Kosovën, pasi dardanët janë pjesë e fazës “play-off” të Euro 2020, ku do të luajnë ndaj Maqedonisë së Veriut, në fazën gjysmëfinale, ku në rast se avancon, në finale përballen me Gjeorgjinë ose Bjellorusinë.