Tërmetet në Islandë janë më të dobëta, por paralajmërimi i vullkanit vazhdon
Sipas shkencëtarve aktiviteti sizmik është lehtësuar në Islandën jugperëndimore, por ende pritet një shpërthim vullkanik.
Edhe pse më shumë se 500 tërmete kanë goditur gadishullin Reykjanes që nga mesnata, ata kanë qenë më të dobët se dy ditët e fundit.
Por ekspertët theksojnë se një lumë magmë i gjatë 15 km (9 milje) që rrjedh nën gadishull është ende aktiv, duke kërcënuar qytetin tashmë të evakuuar të Grindavik.
Shumica e lëkundjeve kanë ndodhur nën të dhe qindra njerëz janë larguar.
Në rrugët e qytetit janë shfaqur çarje teksa rrëshqitja e tokës ka ndikimin e saj në zonë.
Grindavik është vetëm 15 km në jug të Aeroportit Ndërkombëtar Keflavik, por fluturimet ende arrijnë dhe nisen normalisht.
Udhëtarët kanë frikë nga një përsëritje e mundshme e përçarjes së shkaktuar në prill 2010, kur shpërtheu vullkani islandez Eyjafjallajokull.
Reja e hirit që rezultoi solli kaos në industrinë ajrore evropiane për një javë të tërë, me më shumë se 50,000 fluturime të anuluara.
Megjithatë, deri më tani nuk ka pasur ndotje të ngjashme të ajrit.
