Gazzetta dello Sport në numrin e sotëm raporton se Juventusi rrezikon seriozisht përjashtimin nga Kupat e Europës sezonin e ardhshëm për sjellje antisportive.
Nëse hetimet për skandalin e plusvalencave (bilancet e falsifikuara) do të zgjasë shumë dhe drejtësia sportive italiane nuk do të japë një vendim deri në qershorit, atëherë UEFA do të marrë një vendim autonom në lidhje me këtë çështje.
Bardhezinjtë rrezikojnë seriozisht që të përjashtohen për një vit nga Kupat e Europës, madje edhe triumfi në këtë edicion të Europa League nuk do t’i shërbente për të marrë pjesë sezonin e ardhshëm, që do të ishte një rast unik deri më tani.
