Myrto Uzuni konfirmon formën shumë të mirë që po kalon, teksa ka realizuar një tjetër gol në La Liga, i 11-ti sezonal.
Sulmuesi i kombëtares shqiptare të futbollit gjeti rrugën drejt rrjetës në minutën e 48-të pas asistit të dhuruar nga Jozwiak dhe barazoi për Granada-n.
Bomberi beratas synon të jetë pjesë e Europianit me Shqipërinë dhe këtë e konfirmon me formën e mirë që po kalon në ndeshjet e fundit.