Superylli i dikurshëm i futbollit anglez, David Beckham nuk mundi ta fshehë emocionin e tij për vdekjen e Mbretëreshës Elisabeth II, teksa kreu homazhe në ”Westminster Hall” ku është vendosur aktmorti i Mbretëreshës.
Beckham ka pritur rreth 13 orë në radhë dhe në momentin kur doli përpara arkivolit, nuk i ndali dot lotët, duke krijuar një moment vërtet prekës.
“Kjo ditë do të ishte gjithmonë një ditë e vështirë. Mendimet tona janë me familjen, është shumë e veçantë të dëgjosh të gjitha historitë nga njerëzit këtu. Isha shumë me fat që munda të kem disa momente të tilla në jetën time për të qenë pranë Madhërisë së Saj. Është një ditë e trishtuar, por për t’u mbajtur mend”, tha ai për Sky News.
