Një nga autorët e vrasjes së Briken Sanaj në Tiranë, është arrestuar në Gjermani.
Ditën e djeshme, Vladimir Kola, i shpallur në kërkim ndërkombëtar nga Interpol Tirana në bashkëpunim me Interpol Wiesbaden u arrestua me qëllim ekstradimin në vendin tonë.
Ai akuzohet për veprën penale plagosje me pasojë vdekjen, keqtrajtim, vrasje, armëmbajtje pa leje si dhe eksploziv, etj.
Përmbledhje faktesh:
Me datën 03/10/2022, rreth orës 22:50 tek Kodra e Diellit, shtetasi Vladimir Kola në bashkëpunim me persona të tjerë ka qëlluar për vdekje shtetasin Briken Sanaj.
