Policia e Shtetit ka zbardhur vrasjen mafioze të biznesmenit Adrian Nikulaj në lokalin e tij në Shëngjin. Edmond Haxhia dyshohet të jetë personi që ka porositur vrasjen. Haxhia dyshohet se është djali i dajës së Elton Lekstakajt i cili kishte pasur konflikt me viktimën që prej vitit 1997.
Dyshohet se Haxhia ka paguar ekzekutorin portugez dhe katër bashkëpunëtorët e tij nga Britania e Madhe, mes të cilëve edhe një grua, konkretisht: Ruben Saraiva, Harry Simson, Thomas mithan, Steven Hunt dhe Harriet Bridgeman.
Kryepolici Muhamet Rrumbullaku tha në konferencën me gazetarët se vrasja është kryer për motive gjakmarrje ndërkohë që autorët dyshohet se janë larguar jashtë vendit pas krimit.
Emrat që akuzohen:
Edmond Haxhia
Ruben Saraiva
Harry Simson
Thomas Mithan
Steven Hunt
Harriet Bridgeman
