Vendimi për të anuluar ose jo penalizimin për 15 pikë ndaj Juventusit, ishte programuar për t’u dhënë ditën e djeshme. Megjithatë, Gjykata e Apelit e FIGC ka vendosur që vendimi për “zonjën e vjetër” të jepet ditën e sotme.
Sipas italianes “Sportmediaset”, janë dy skenarë që dalin në horizont për klubin e Juventusit. I pari është anulimi i dënimit prej 15 pikëve në klasifikimin e kampionatit, dhe i dyti është që për bardhezinjtë të ketë një zbutje dënimi me më pak pikë penalizim.
Dita e sotme do të jetë shumë e rëndësishme për këta të fundit, pasi ndeshen me Sportingun e Lisbonës në ndeshjen e kthimit në Europa League.
