Analisti Artur Zheji, thotë se PD ka pësuar një dramë të madhe. Për të, zgjedhjet e 6 marsit treguan një bojkot të demokratëve dhe treguan se janë totalisht kundër përçarjes.
”Përgjigja e demokratëve ndaj votës së 6 marsit ishte më shumë bojkot. Kam bërë një analizë të votave, dhe kjo shpreh që nuk ka pasur një numër superior ndaj Bashës, por kemi një humbje në të 5 bashkitë e tjera. Ishin humbësa.
Demokratët nuk janë dakort me çarjen e PD-së, është leksion i madh i këtyre zgjedhjeve. Fakti që Berisha thotë do rikthehem, nuk më bën optimist, se kjo nuk ishte betejë për PD-në, por për kryetarin e PD-së.
E gjithë beteja duket sikur u bë që të iku Luli dhe të vij unë. Doktori u largua nga humbja në 2013, jo nga fitorja. Dhe fitorja që e pati kësaj radhe e kishte nga koalicioni me LSI-në”,-tha Zheji në “Open”.
