Sekretari i Përgjithshëm i PD-së, Gazment Bardhi në konferencën me gazetarët, ndër të tjera tha se 11 kryetarë degësh dolën kundër 18 dhjetorit.
Ai përmendi kryetarët e degëve të Tropojës, Shijakut, Tiranës dega 3.1 dhe 9, Paskuqani, Kolonja, Vlora dhe Fushë-Kruja, për të cilët tha se do të shkarkohen.
Gazment Bardhi mbajtjen e Kuvendit të thirrur nga Sali Berisha e quajti “tubim”, pasi sipas tij në mbledhje do mungojë çdo organ vendimmarrës i PD-së.
Ish-kryeministri Sali Berisha më herët ftoi të gjithë delegatët e partisë të marrin pjesë në Kuvendin e 11 dhjetorit, në “Air Albania”, ku ka kërkuar që të vijnë edhe ata që kanë një mendim ndryshe.
